CLTV36 | Sapat a pondu para keng edukasyun, addwanan da reng estudyanti king UPDEPP

Dinan yang atensyun ing education sector — ini ing meging sentru na ning Oblation Run ning Alpha Phi Omega (APO) Omicron Chapter king University of the Philippines Diliman Extension Program king Clark, Pampanga.

Keng karelang pamamulayi a alang malan niting Miyerkulis, February 21, inawad da reng miyembru ning aguman a midinan lang sapat a budget ali mu reng iskolar ning bayan nune reng egana-ganang estudyanti king bangsa.

Pawaga ra naman a e la dapat mangapaburen deng kayanakan uling ila ing pag-asa na ning balen.

Atatandanang atsu keng ₱40.8-billion ing proposed budget king National Expenditure Program na ning University of the Philippines king Senate Committee on Finance hearing oneng midinan la mung ₱24.7-billion keng General Appropriations Act 2024.