Pagmasusian ne ning St. Scholastica’s Academy Pampanga ing Sentenaryu ning Pangatalakad ning Eskwela
Pepasyag na ne ning mamuntukan ampon graduates na ning St. Scholastica’s Academy keti Pampanga ing pamagmasusi king ka dinalan a banuang pangatalakad ning eskwela inyang huwebes, October 9, 2023.
Miras yang pabanua ya ing selebrasyun a magumpisa king Hulyu 2024 a mapupus naman Hulyu 2025 nung nukarin panimunan ne iti ning directress na ning St. Scho a y Sr. Mary Ignatius Aquino, OSB kayabe ring piling alumnae da ring miyayaliwang batches at SSA School Officers.
Sentru karing piaglon ing tuturu dang edukasyun ding Benedictine Sisters kayagum la ring kasalukuyang estudyante at talapagobra ning SSA at ring meyaring alumni manibat 1925 anggang 2022.
Mapilan karing programang makalatag para king 100th Anniversary ning St. Scholasticas Academy Pampanga makarikil la king pasiknangan la ring pamilya da ring magaral, pamaggambul king kalikasan, sports, at Kapiyestan ng St. Scholastica king Pebreru 2025.
Agpang kang Maricar David Pangilinan, PR & Communication and Ways & Means Committee ning Centennial Celebration, mika Grand Alumni Honecoming, Execellence Awards Night at maglimbag la naman adwang libru bayu mayari ing pabanuang pamagmasusi king sentenaryu ning St. Scho.