Miyembro ng M.A.T. criminal group, naaresto sa Angeles City

Naaresto ang isang key member ng M.A.T. Criminal Group sa Angeles City, Pampanga noong gabi ng Linggo, September 15.

Ayon sa Angeles City Police Office (ACPO), nasakote ang suspek na si alyas Tristan sa isinagawang buy-bust operation sa Purok 2, Little Baguio, Barangay Sapangbato ng nasabing lungsod.

Nakuha mula sa kanya ang dalawang sachet ng shabu ng may timbang na 2 grams at may street value umano na P13,600.

Ayon kay PCol. Amado A. Mendoza, director ng ACPO, magpapatuloy ang kanilang tanggapan sa pagbabantay ng komunidad kontra iligal na gawain para matiyak ang kaligtasan ng mga mamamayan.

-30-