Farmers-Fisherfolks Training Center sa Bulacan, kinilala dahil sa natatangi nitong arkitektura
Dahil sa natatangi nitong arkitektura, kinilala sa FIABCI Philippines Property and Real Estate Excellence Award ang Farmers-Fisherfolks Training Center sa Bulakan, Bulacan bilang 2022 Outstanding LGU Project sa Public Infrastructure Category.
May dalawang palapag ang naturang gusali na mayroong modern at minimalist approach. Makikita sa unang palapag ang training center habang sa second floor naman ang bagong tanggapan ng Provincial Agriculture Office.
Ayon kay Glenn Reyes, ang pinuno ng Provincial Engineer’s Office ng Bulacan, ginamitan ng aluminum cladding at glass curtain walls ang imprastraktura upang pumasok ang natural lighting at mabawasan ang pagkonsumo rito ng elektrisidad.
Ginastusan ng ₱15.5-Million ang naturang istraktura.
Ang FIABCI o Fédération Internationale Des Administrateurs De Bien-Conselis Immobiliers ay isang International Real Estate Federation na naitatag sa Paris, France noong 1951.