Bigtime drug peddler king Syudad San Fernando, arakap de ring PDEA king Cavite
Metung a bigtime drug dealer at atlu na pang kayabe reng merakap keng entrapment operation na ning Philippine Drug Enforcement Agency (PDEA) king Dasmariñas, Cavite anyang Martis, November 7.
Agpang keng PDEA Region 3, malwat da neng babanten ing drug peddler a metung kareng mag-distribute bultu-bultung shabu king Syudad na ning San Fernando, Pampanga.
Basi kanu keng original plan na ning PDEA-III, ikasa re dapat keng San Fernando ing entrapment operation dapot mekisabi ya ing suspek a mikit na la mu king Cavite.
Mekwa karing suspek ding 500 grams na ning shabu a mikialaga kanung maygit ₱3.4-M.
Midaluman lang kasung violation keng Section 5 na ning Republic Act 9165 o Comprehensive Dangerous Drugs Act reng merakap a apat a katawu.
