‘Banda 94’, pambato ng Pilipinas sa International Band & Orchestra Fest sa Malaysia
By MC Galang, CLTV36 News
Nakatakda nang sumabak bilang pambato ng Pilipinas ang Banda 94 mula Pandacaqui, Mexico, Pampanga sa nalalapit na Malaysia International FELDA Band & Orchestra Festival (MIFBOF) 2025.
Ang grupo ay binubuo ng 40 kabataang estudyante at propesyonal, sa pangunguna nina Allein Canlas at Tiffany Chei Manaloto.
Ang paglahok ng Banda 94 ay isang malaking karangalan at pagkakataon upang ipamalas ang talento, disiplina, at kultura ng mga Pinoy sa international stage.
Makakatunggali nila sa naturang kompetisyon ang mga marching band mula Malaysia, Thailand, at iba pang bansa sa Southeast Asia.
Gaganapin ang Open Division category ng MIFBOF 2025 sa Linggo, July 6, sa Hotel Tenera, Bandar Baru Bangi, Selangor, Malaysia. #