E pa malyari ngeni ing ₱20 per kilo a abyas: DA Sec. Laurel
E pa kanu posibling magbaba king ₱20 kada kilu ing presyu na ning abyas.
Ini ing pisyag na ning newly-appointed Agriculture Secretary a i Francisco Tiu-Laurel Jr. king pekamumuna nang press briefing a merapat anyang Lunis, November 6.
Agpang kang Laurel, bistaman e kanu kararagling akwa ing target a ₱20 per kilo, posibli naman kanung mibaba ing presyu na ning abyas.
Gawan da kanu ing agyu ra bang magin yang mas affordable para kareng consumer bayu mayari ing banwang 2024.
Samantala, sinabi na namang Laurel a mimye neng utus i Marcos, Jr. tungkul keng pamagpasikan keng produksyun da reng atiu king sektor ning agrikultura.
Kayabe king direktiba na ning Presidenti ing modernisasyun keng pamananam, pamagpasikan keng sistema da reng irigasyun, pamangabit pataba ampong pamangamit kareng ustung klasi na ning bini.
