25 topnotchers ng September 2026 PMLE, nagmula sa Central Luzon
By Kath Chiang, CLTV36 News
25 examinees mula sa iba’t ibang paaralan sa Central Luzon ang kabilang sa Top 10 ng September 2026 Psychometrician Licensure Examination (PMLE).
Rank 5 sina Andreinne Espiritu Mercado ng Bulacan State University (BulSU)-Malolos at Nicaela Louise Ayson Vilan ng Holy Angel University (HAU), na kapwa nagtala ng 93.40%.
Nasa Rank 6 naman si Gamaliel Panahon Valeroso ng Central Luzon State University (CLSU) matapos makakuha ng 93.20%.
Samantala, limang examinees ang nakapasok sa Top 8 na may 92.80% rating. Kasama rito sina Naomi Angela Alvarez Bernabe at Denise Charmie Mangalus David ng HAU, Angelica Dalton Lorenzo ng Holy Cross College-Pampanga, Avita Lei Crespillo Manio ng Centro Escolar University (CEU)-Malolos, at Giana Marie Baldos Ponce ng Pampanga State University (PSU).
Napabilang naman sa Rank 9 at may score na 92.60% ang mga sumusunod: Juliecca Reine Daguioan Abrera ng Nueva Ecija Univ. of Science & Technology (NEUST) Cabanatuan; Angelyne San Juan Ayuban at Charmae Pobi Espino ng BulSU-Malolos; Jerico Lavadia De Vera ng President Ramon Magsaysay State University-Iba; at Angel Joy Elvira ng La Concepcion College-Bulacan.
No. 9 din sa PMLE sina Estelle Amor Gueco Lecaros ng HAU, Kaye Celine De Luna Magtalas ng Our Lady of Fatima University (OLFU)-Nueva Ecija, Elorah Ivy Gayle Moral Ong ng Wesleyan University-Philippines – Cabanatuan City, at Precious Villafuerte Somera ng CLSU.
Samantala, siyam na examinees mula Region 3 ang nagtala ng 92.40% para sa Rank 10. Kabilang dito sina Shiena De Jesus Cabungcal, Mizzy Joy Isabel Garcia Galicia, at Russel Joe Ferrer Oteda ng NEUST-Cabanatuan.
Nasa huling pwesto rin ng topnotchers sina Patricia Acebu Catahan ng CEU-Malolos, Heroe Allysa Baylon Celis at Louri Maurene Tuazon Termulo ng BulSU-Malolos, Annika Dianne Supremo Cruz ng Jesus Is Lord Colleges Foundation (Bocaue), Lyanna Gentle Marie Tolentino Cunanan ng HAU, at Jim Exequiel Chico Lacanlale ng NU Bulacan.
Pasok naman sa top performing schools ang NEUST-Cabanatuan, matapos makakuha ng 100% passing rate ang lahat ng 59 examinees ng eskwelahan.
Sa kabuuan, 91.72% o 14,146 ang nakapasa mula sa 15,423 na sumabak sa Psychometrician Licensure Examination ngayong Setyembre. #
