Mugshots ni Romualdez, inilabas na; secured room, inihanda sa PNPGH
Inilabas na ng Philippine National Police (PNP) ang mugshots ni dating House Speaker Martin Romualdez matapos siyang arestuhin nitong Lunes, September 7, kaugnay ng ₱7.4-billion plunder case.
Nananatili si Romualdez sa Cardinal Santos Medical Center sa San Juan City dahil sa cardiovascular event at problema sa blood pressure, habang nasa police custody bilang person deprived of liberty (PDL).
Samantala, inihanda na ng PNP General Hospital (PNPGH) sa Camp Crame, Quezon City ang secured room para kay Romualdez. Ayon kay Interior Secretary Jonvic Remulla, maghahain ang CIDG ng mosyon sa Sandiganbayan para payagang ilipat doon ang dating House Speaker.
Tututulan naman daw ng Office of the Ombudsman ang hiling ni Romualdez na manatili sa ospital. Nais ng mga prosecutor na government doctors ang magsuri sa kanyang kondisyon upang matukoy kung kailangan pa niya ng hospital confinement o maaari nang ilipat sa regular detention facility. #
