Maigit 50 pulis king Pampanga, menigaral lang magsalitang Mandarin king AUF
Megaral lang salitang Mandarin deng maigit 50 personnel na ning Pampanga Provincial Police Office at ning Aviation Security Unit 3 keng Angeles University Foundation.
Merapat ya ing closing ceremony na ning Mandarin Language Training Program keng Sports and Cultural Center ning mesabing unibersidad keng Angeles City niting Lunis, May 27.
Tinagun ya keng mesabing aktibidad i Pampanga Police Director PCol. Levi Hope Basilio.
Agpang kang Basilio, paralan ya ini bang asolusyunan ing language barrier patse midaraun la kanung imbestigasyun kareng foreigners partikula na kareng Chinese nationals.
