27 barangay sa Pampanga, nakakuha ng 2024 Seal of Good Local Governance

Binigyang pagkilala ng Department of the Interior and Local Government (DILG) Central Luzon ang ilang mga barangay sa lalawigan ng Pampanga.

Batay ito sa ipinakita nilang kahusayan sa pamamahala at pagiging national passers sa ilalim ng 2024 Seal of Good Local Governance for Barangay (SGLGB) ng DILG Central Office.

Kabilang sa mga kinilalang barangay sa piling bayan at munisipalidad ng Pampanga ang mga sumusunod:

ARAYAT

• Batasan
• Cupang

BACOLOR

• Calibutbut 
• Macabacle
• Maliwalu

CANDABA

• Talang

FLORIDABLANCA

• Calantas
• San Jose

GUAGUA

• San Antonio

LUBAO

• Baruya
• Dela Paz
• Santiago

MEXICO

• San Jose Matulid

CITY OF SAN FERNANDO

• Baliti
• Del Pilar
• Dela Paz Sur
• Lourdes
• Pandaras
• Quebiawan
• Saguin
• Santo Rosario

SANTO TOMAS

• Moras De La Paz
• San Bartolome
• San Matias
• San Vicente 
• Santo Rosario
• Sapa

Samantala, 166 pang barangay sa Central Luzon ang tumanggap din ng SGLG nitong nakaraang taon.

Sa ilalim ng Memorandum Circular No. 2024-068 ng DILG, kinakailangang maipasa ng bawat kalahok na barangay ang tatlo sa Core Governance Areas: ang Financial Administration and Sustainability, Disaster and Preparedness, at ang Safety, Peace, and Order.

Bahagi rin ng kwalipikasyon ang pumasa sa isa sa tatlong Essential Governance Areas, kabilang ang Social Protection and Sensitivity, Business-Friendliness and Competitiveness, at Environmental Management.

Ang Seal of Good Local Governance for Barangay ay isang performance assessment at recognition system na binuo upang kilalanin ang mga barangay na nagpamalas ng outstanding leadership sa iba’t ibang governance areas. #